Philippines Fresh News

LAOAG CITY — Naurnos met laengen ti susik iti nagbaetan dagiti nagdinnanog a bise mayor ken konsehal iti kuwerpo ti pulisya idiay Burgos, Ilocos Norte.

Segun iti impormasyun, ti mayor a mismo iti nasao nga ili ti nangaramid ti wagas tapno agkappia dagiti dua nga opisyal.

Naglinnawag iti opisina ti mayor dagiti nagdinnanog a bise mayor ken konsehal nga isuda Vice mayor Rey Espejo ken Konsehal Joseph Jimenez.

Kalpasan a nagkapaglinnawag da ket nagdinnespensar da iti tunggal maysa.

Malagip a nagdinnanog ti bise mayor ken konsehal idi nagdanon da iti kuwerpo ti pulisya tapno mapan da agpa-blotter.

LAOAG CITY — Dinayaw ni Singaporean Ambassador to the Philippines BP Hirabalan ti kinapintas ti Ilocos Norte.

Inaramid daytoy ti ambassador iti panagturongna iti provincial capitol ken kalpasan a nakita na ti sumagmamano nga ili iti probinsiya.

Segun kenni Hirabalan, adda da pagpadaan ti Ilocos Norte ken ti pagilian a Singapore nangruna iti peace and order, kinadalus ken kinaurnos ken ti disiplina dagiti umili.

Naragsakan ken nagyaman ti Singaporean ambassador iti hospitality ken ti nasayaat a pannakasangaili na.

Kabayatanna, inpasigurado ti ambassador nga agtalinaed ti napintas a relasyun ti Singapore ken ti Ilocos Norte kasta met ti pagilian.

LAOAG CITY – Agkidkiddaw iti tulong ti pamilya ti Overseas Filipino Worker a natay tii desgrasya idiay Saudi Arabia tapno maiyawid ditoy Pilipinas ti bangkay na.

Ti OFW a ni Noel Parungao, agtawen iti 26, addaan asawa ken taga Brgy 21 Laoag City ket natay kalpasan a nadesgrasya idi kalman.

Agawiden ni Parungao idiay Riyadh manipud trabaho na idiay Jeddah idi madesgrasya ti nagluganan da.

Agpapan ita ket saan pay a nalawag iti pamilya Parungao no kasano a napasamak ti desgrasya.

Naamuan a ni Parungao ket agarup tallo a tawen nan nga agtrabtrabaho a kas CCTV camera technician idiay Saudi.

LAOAG CITY – Natay ti maysa a lalaki a katulong iti maysa a peryaan iti Paoay Ilocos Norte kalpasan a nagbekkel.

Nabigig ti bitika a ni Virgio Bautista, agtawen iti 20 ken taga Tumauini, Isabela.

Rumrumuar iti imbestigasyon ti PNP a nakaro nga imon ti nagbekkelan ni Bautista.

Nupay kasta, mangisaysayangkat ti PNP ti naun-uneg nga imbestigasyon tapno maamuan ti pudno a rason ti nagbekkelan ni Bautista.

LAOAG CITY — Inbilin ni Ilocos Norte Police Provincial Director, Sr Supt. Gerardo Ratuita kadagiti isu amin nga hepe ti pulisya iti probinsiya a paigetanda ti police visibility kadagiti masakupan da a lugar.

Ti pammilin ni Ratuita ket adda pannakainaig na iti umadanin nga eleksiyun intono Mayo 13.

Segun iti opisyal, bayat nga umas-asideg ti aldaw ti eleksiyun ket manamnama nga umadu ken paigetan met dagiti kandidato ti aktibidad ken panagkampanyada.

Kuna ni ratuita, babaen iti daytoy a wagas ket masigurado ti kappia ken talna iti probinsiya.

Malagip a kadagiti kallabes nga aldaw ket sumagmamano a residente ti Pasuquin, Ilocos Norte ti nagpasar ti harassment.

LAOAG CITY – Addan iti kustodiyar ti PNP Marcos ti suspek sa nangmalmalo iti maysa a mannalon iti Brgy. Ferdinand, Marcos, Ilocos Norte a poon ti nakatayan na.

Binigbig ni P/Sr Insp. Jonathan Sabado, chief of police ti PNP Marcos ti biktima a ni Emilio Bisac, 37, addaan ti asawa, maysa a magsasaka ken residente iti nasao a lugar idinto a ti suspek ket ni Meldrick Bagaoisan, 23, awanan ti asawa, residente met laeng iti nasao a barangay.

Segun kenni Sabado, dagus a natay ti biktima kalpasan a sumagmamano a daras a minalmalo ti suspek iti kayo nga agatiddog ti 32 a pulgada ken diametro a 2 agingga ti 3 a pulgada.

Napasamak ti insidente idi nagdanon ti biktima ken suspek iti maysa a tianggi.

Iti imbestigasyun ti pulisya, datin nga adda susik ti biktima ken suspek.

LAOAG CITY — Inbilin ni Ilocos Norte Police Provincial Director, Sr Supt. Gerardo Ratuita kadagiti isu amin nga hepe ti pulisya iti probinsiya a paigetanda ti police visibility kadagiti masakupan da a lugar.

Ti pammilin ni Ratuita ket adda pannakainaig na iti umadanin nga eleksiyun intono Mayo 13.

Segun iti opisyal, bayat nga umas-asideg ti aldaw ti eleksiyun ket manamnama nga umadu ken paigetan met dagiti kandidato ti aktibidad ken panagkampanyada.

Kuna ni ratuita, babaen iti daytoy a wagas ket masigurado ti kappia ken talna iti probinsiya.

Malagip a kadagiti kallabes nga aldaw ket sumagmamano a residente ti Pasuquin, Ilocos Norte ti nagpasar ti harassment.

LAOAG CITY – Umabot ti 152 a kameng ti Philippine Army ti maideploy iti Ilocos Norte.

Daytoy ti kinumpirmaran ni Col. Desiderio Alaba ti Philippine Army a nakabase iti probinsiya.

Segun kenni Alaba, dagiti nasao a kameng ti army ket agserbi nga augmentation force tapno masigurado ti peace and order iti mismo a kaaldawan ti eleksiyun.

Inlawlawag ti opisyal a sakbay a maideploy dagiti army ket maipasyar da nga umun a kadagiti nagduduma nga ili tapno maipaayan da ti orientation iti lugar a pakaideployan da.

LAOAG CITY – Natay bayat a maitartaray iti ospital ti maysa nga ama kalpasan a nagbekkel iti balayda idiay Solsona, Ilocos Norte.

Binigbig ni P/Chief Insp. Dexter Corpuz, chief of police ti PNP Solsona ti biktima a ni Anastacio Andres, 56, addaan ti asawa ken annak.

Segun kenni Corpuz, adda pay laeng biag ti biktima idi nakita dagiti da a nakabitin iti tuktuk ti balayda.

Dagus met nga intaray dagiti kapamilyana iti ospital ngem saanen a naidanon a sibibiag.

Mamati ti pamilya na a ti sakit ti biktima ti rason a nagpakamatay.

LAOAG CITY – Agtultuloy nga im-imbestigaren ti PNP Pinili ti insidente ti panagdanog ken panagpaputok ti paltog a nakainaigan ti bise mayor ti Pinili, Ilocos Norte a ni Vice mayor Rommel Labasan.

Segun kenni P/Sr Insp. Artemio Clemente, chief of police ti PNP Pinili, rumrumuar iti inwayatda nga inisyal nga imbestigasyun nga positibo a nagpaputok ti paltog ti bise mayor iti maysa a minatayan iti Brgy. Bungro iti nasao nga ili.

Malaksid ti panagpaputok na ti paltog nainaig pay ti bise mayor ti panangdanog na iti maysa a coordinator ti maysa a partido a ni Noli Butay, 40, addaan ti asawa ken residente iti nasao a barangay.

Iti palawag ti biktima, namitlo a daras a dinanog ti bise mayor kalpasan na ket nagpaputok ti paltog ni Labasan.

Nakarekobre dagiti otoridad ti dua nga empty shells ti kalibre 45 iti nakapasamakan ti insidente.

LA UNION – Natayen idi a masarakan ti maysa nga 84-anyos a lolo a natinnag iti bubon idiay Barangay San Simon West, ili ti Aringay, La Union.

Nabigbig ti biktima a ni Avelino Bautista, residente ti nasao a lugar.

Naammuan ti Bombo Radyo La Union manipud idiay Aringay Municipl Police Station, idi pay laeng April 28, 2013 a mapukpukaw ken birbirukenda ti biktima.

Gapu kadagiti taraken a nuang ken kalding ti lolo a nakapagud ti sumagmamano nga aldaw asideg idiay bubo ti nagbalin a dalan tapno masarakan daytoy.

Idi a sinirip dagiti agsapsapul ti nasao a bubon ken nadlawda nga addaan daytoy ti dara kasaruno iti panangiyaonda iti biktima.

Nagkedked met dagiti kakabagyan ti biktima nga ipasidong daytoy iti otopsya gapu ta mamatida nga aksidente laeng iti makagapu ti pannakatinnag daytoy iti bubon.

LA UNION – Napasamak iti pannakabalasa dagiti hepe ti pulisya iti uppat nga ili idiay maikaddua a distrito ti La Union.

Naammuan ti Bombo Radyo La Union a karaman kadagiti ili a naaddaan ti rigudon iti benneg ti pulisya ket iti ili ti Agoo, Tubao, Aringay ken Caba.

Iti napsamak a pannakabalas kadagiti chief of police ket maipagrup nga adda iti pakainaigan ti umadanin nga eleksyon inton Mayo 13, 2013.

Maipagarup a dagiti nadakamat nga uppat nga ili idiay La Union ket karaman kadagiti lugar a maipagarup nga adda ti mapaspasamak a political harrasment.

LAOAG CITY – Ad-adalen iti agdama ti PNP Vintar ti anggulo a ‘love triangle’ iti pannakapaltog a poon ti nakatayan ti maysa a misis iti Brgy. Parparurok, Vintar, Ilocos Norte.

Binigbig ni P/CHief Insp. Jaime Quiocho, chief of police ti PNP Vintar, ti biktima a ni Nida Palaracio, 40, addaan ti asawa ken residente iti nasao a barangay.

Kuna ni Quiocho, basar kadagiti nakalap da nga impormasyun ket rumrumuar nga adda ti sabali a karelasyun ti asawa ti biktima a maysa nga empleado ti munisipyo ti nasao nga ili.

Inlawlawag ti hepe ti pulisya a mabalin a nagibalsan laeng dagiti suspek ti biktima.

Napasamak ti insidente bayat nga agburburas ti biktima ti bunga ti balatong iti kataltalunan.

Iti naiwayat nga eksaminasyun iti bangkay ti biktima, nagsagaba daytoy ti maysa a tama ti bala iti ulo na ken dua iti likudna.

Nakarekobre met dagiti otoridad ti dua nga empty shells ti kalibre 45 iti nakapasamakan ti insidente.

LAOAG CITY – Mamati ti manager ti GMW Trans nga adda pannakainaig na iti nagbalin a riri da iti maysa a muslim iti gandat a pannakauram ti sumagmamano a units ti bus ti transportaiton company daytoy itay laeng kallabes.

Malagip a dagiti nasao a bus units ket nakaparada da iti maysa a motorpool iti Brgy. Buyon, Bacarra, Ilocos Norte idi gandaten ti maysa a grupo dagiti armado a lallaki a pooran.

Iti nagbalin nga imbestigasyun ti PNP Bacarra, sumagmamano a galloon ti gasolina ti inbukbuk dagiti suspek iti daga ken sumagmamano pay ngsa improvised explosive device ti naimula iti siruk dagiti nasao a bus.

Nupay kasta, gapu ta dagus a nadlawan ti sumagmamano nga empleado ti ar-aramiden dagiti suspek ket napaay da iti gandat da a mangpoor kadagiti bus.

LA UNION — Agtultuloy iti isay-sayangkat nga imbestigasyon dagiti otoridad iti napasamak a pammaltog a nakatayan ti maysa a Japanese national ken nasarakan iti bangkay na pasado alas-3:00 itay parbangon iti batog ti Lingsat cemetery iti Barangay Lingsat, San Fernando City, La Union.

Iti biktima a nabigbig iti nagan a Sitashi Susukawa, 68, addaan ti asawa, ken residente ti nasao a lugar ket nagsagaba ti tama ti paltogh a puon ti nakatayan daytoy.

Iti eksklusibo nga interview ti Bombo Radyo La Union kenni P/Supt. Manuel Apostol, agdama a hepe ti San Fernando City Police Station, kinuna na a maysa a kitkitaen da nga anggulo iti krimen ket adda pakainaigan na iti negosyo ti biktima kas club owner iti poro junction ti nasao a syudad.

Kabayatanna, narekobre iti nakapasamakan ti krimen iti tallo nga slug ken uppat nga empty shells ti saan pay nga ammo a calibre ti paltog.

Kinuna pay ni Apostol nga adayu a panagtakaw iti motibo agsipudta intact met iti arwaten daytoy a kas ti relo, wallet, listaan, agraman ti dark blue a kotse na.