Sports News
MEMPHIS, Tenn. — Ipinauubaya na umano ni Grizzlies coach Lionel Hollins sa team owners ang desisyon kaugnay sa kaniyang career pagkatapos nang kasalukuyang season.
Sa ngayon, tiniyak ng opisyal na nakatutok ang kaniyang atensyon sa Western Conference finals kung saan dehado sila ng dalawang laro kontra San Antonio Spurs.
Aminado pa si Hollins na mas mabigat ang hamong nakasalalay sa kaniyang balikat para pagisipan pa ang kinabukasan ng kaniyang coaching career.
Sa Hunyo 30 magtatapos na ang kontrata ni Hollins sa Memphis at wala pang katiyakan kung mayroong renewal sa ilalim ng bagong pamunuan ng team.
Sa linggo ay tatangkain ni Hollins na maipanalo ang Game 3 sa kanilang homecourt para mahabol ang Spurs.
Nagsampa ng reklamo ang international Mixed Martial Arts (MMA) fighter na si Waylon Lowe laban sa isang kompanya ng sexual performance gel.
Sa kanyang inihaing lawsuit, nakasaad na bumili si Lowe ng Kama Sutra Pleasure Balm Prolonging Gel sa isang sex shop upang madagdagan ang kanyang stamina o lakas at mabawasan ang pagiging maramdamin.
Pero wala rin daw epekto nang ipahid niya ang naturang gel sa kanyang ari bago nagsuot ng condom at tsaka nakipagtalik sa fiancee.
Kuwento ng MMA fighter, bahagyang nabitin ang kanilang pagtatalik ng bride to be at dito siya nakaramdam ng sobrang pagkirot ng kanyang ari at nagulat na lamang nang makita iyon na namamaga at nanlalambot.
Isinugod daw siya sa emergency room ng ospital at lumabas sa pagsusuri na siya ay dumanas ng “catastrophic damage” sa kanyang ari at magiging resulta ang mga sumusunod:
– permanent scarring and disfigurement
– permanent loss of sensation
– permanent loss of functioning
– permanent nerve damage
– loss of life’s pleasures
– inability to ejaculate
Hindi bababa sa $50,000 ang hinihinging danyos ng nasabing martial arts fighter sa nabanggit na kompanya.
Sa panig naman ng Kama Sutra Company, dumipensa ito sa pagsasabing ligtas ang kanilang produkto at katunayan ay 40 taon na nila itong binibenta. (TMZ)
Nanguna sina National Basketball Association-Most Valuable Player (NBA-MVP) LeBron James at Los Angeles (LA) Lakers superstar Kobe Bryant sa mga bubuo ng All-NBA team.
Sa inilabas na listahan ng NBA, kabilang sa All-NBA team na makakasama nina James at Bryant ay sina Kevin Durant ng Oklahoma City Thunder (OKC), Tim Duncan ng San Antonio Spurs at Chris Paul ng Los Angeles Clippers
Napabilang naman sa All- NBA second team sina Tony Parker (San Antonio Spurs) Russell Westbrook (OKC), NBA top scorer Carmelo Anthony ng New York Knicks, Blake Griffin ng Los Angeles Clippers at Marc Gasol ng Memphis Grizzlies.
Third team members naman sina James Harden ng Houston Rockets, Dwyane Wade ng Miami Heat, Paul George (Indiana Pacers), David Lee (Golden State Warriors) at Dwight Howard ng LA Lakers.
Ang pagpili ng All NBA team ay binubuo ng 119 journalist mula sa buong Estados Unidos at Canada.
MIAMI – Ilang oras matapos ang heroic performance ni Miami Heat star LeBron James, agad sumalang sa team practice ang magkalabang koponan.
Halos hindi pa rin makapaniwala ang Indiana Pacers kung bakit natalo sa Game 1.
Isa sa nakikitang lapses o pagkukulang ni Pacers head coach Frank Vogel ay ang hindi niya pagpasok sa final play sa 7 foot 2 inches na si Roy Hibbert.
Sinabi ni Vogel, mas lalo pa silang nagkaroon ng malakas na kumpiyansa na kayang talunin ang Miami Heat matapos ang pagkatalo sa huling 2.2 segundo ng overtime game.
”Very encouraged,” wika ni Vogel. ”Our belief in our ability to beat this team has strengthened after Game 1. Our familiarity in the playoffs, in the playoff series grows with each day, grows with each game, and there’s a lot of things we can definitely do better.”
Sa panig ng Heat, pinanood muna nila ang replay ng laban bago sila sumalang sa on-court workout.
Ayon kay Miami center Chris Bosh, hindi pang-championship ang nilaro nila kahapon kung kaya’t sa gagawing Game 2 ay mas mas pagbubutihin pa ang kanilang depensa at opensa.
”We’re going to play a lot better,” ani Bosh. ”We’ve come to expect that of ourselves. We know that yesterday wasn’t the championship effort that we need in order to win the series, let alone win the finals. We’re going to have to do a much better job on defense and on offense to take care of the basketball, do a better job on the boards, do a better job of containing some of their actions.”
Gagawin ang Game 2 sa homecourt pa rin ng Miami Heat, bukas.
Bigo ang Philippine national women’s football team Malditas na masungkit ang ikalawang sunod na panalo sa 2014 AFC Women’s Asian Cup sa Bangladesh.
Tinalo ng Thailand ang Malditas sa 1-0.
May pagkakataon pa sanang maitabla ng national team ang laban sa huling minuto ng laro ngunit hindi pinahintulutan ng referee ang ginawa nilang goal.
Unang naka-iskor ang Thailand pagsapit ng ika-37 minuto ng laban.
Una rito noong Martes, ginulat ng counter part ng Azkals ang Iran, 6-0.
Agresibo ang Pinay footballers na kung saan sa unang limang minuto ng laban ay tatlong goals ang kanilang ginawa sa tulong nina Heather Cooke, Megan Jurado at Jesse Shugg.
Hindi naman nagpahuli si Joana Houplin at pagsapit ng ika-92 minuto ng laro muling naka-goal si Shugg.
Sunod na makakalaban ng national women’s team ang host country Bangladesh sa araw ng Sabado.
MIAMI – Sa kabila ng impresibong performance sa Game 1 ng Eastern Conference Finals, ayaw pa ring magkumpiyansa si reigning NBA-MVP LeBron James.
Ayon kay James, kailangan nilang pagbutihin at galingan sa susunod na game.
Umiskor si LeBron ng triple-double na 30 points, 10 rebounds at 10 assists.
”We’re excited about the win,” wika ni James. ”But we have to get better going into Game 2.”
Maging si Fil-Am Miami Heat head coach Erik Spoelstra, ay nabunutan ng tinik sa kanilang panalo.
”It took an overtime to get it done,” ani Spoelstra. ”Glad to get that one.”
Sa panig ng Indiana, labis ang panghihinayang ng mga ito kung saan abot kamay na sana ang panalo ngunit nawala pa sa kanila.
Sinabi ni Pacers head coach Frank Vogel, mataas ang kanilang kumpiyansa na kaya nilang tapatan ang kalibre ng NBA defending champion.
”Two great teams just throwing punch for punch,” sambit ni Vogel. ”Our spirit is very high, very confident. We know we can play with this basketball team.”
Ang Game 2 ng conference finals sa pagitan ng Miami at Indiana ay gagawin sa araw ng Sabado.
MIAMI – Bumuhos sa social media ang naging heroic performance ni Miami Heat superstar LeBron James sa Game 1 ng Eastern Conference finals laban sa Indiana Pacers.
Sa katunayan, trending worldwide sa Twitter ang ginawa ni LeBron.
Kung maalala, na-execute ni James ang final play sa nalalabing 2.2 seconds upang makuha ang panalo sa iskor na 103-102.
Ayon kay Austin Rivers ng New Orleans Hornets, sa ginawa ni LeBron siya umano ang best player sa NBA ngayon.
“And that’s why he is the best in the game,” ani Rivers.
Nagpahayag din ng paghanga ang dating miyembro ng Miami Heat na si Jermaine O’Neal.
“Got to have big fella in there with 2.2 seconds left. “Shot blocking”! got to love the NBA playoffs because its filled with excitement!” ani O’Neal.
Ang triple-double performance ni LeBron ang nagpa-wow naman kay Brooklyn Nets center Kris Humphries.
“Lebron, triple double with 30pts! What a game!!” ani Humphries.
MIAMI — Muling pinatunayan ni Lebron James ang kaniyang pagiging “most valuable player” nang pangunahan ang panalo ng Miami Heat sa nakakapigil-hiningang Game 1 ng Eastern Conference Finals kontra Indiana Pacers.
Una rito, sa natitirang 2.2 seconds ng overtime play nakakuha ng foul si Paul George mula kay Dwayne Wade sa three-point area para mabawi ng Pacers ang 102-101 lead.
Sa in-bound, tinanggap ni James ang bola at kaagad nag-execute ng layup para makuha ang 103-102 victory bago maubos ang game clock.
Maliban sa buzzer-beater na layup, nagtala si James ng “triple-double performance” sa kaniyang 30 points, 10 rebounds at 10 assists.
Si Dwayne Wade ay mayroong 19 points habang 17 points ang ambag ni Chris Bosh.
Tinanghal namang best performer ng Pacers si Paul George sa kaniyang 27 points, 4 rebounds at 5 assists.
SAN ANTONIO – Plano ngayon ng San Antonio Spurs star na si Tony parker na sumailalim sa magnetic resonance imaging (MRI) upang ipatingin ang nananakit nitong binti.
Ayon kay Parker, layon ng MRI na mas matiyak na bumubuti ang kanyang kalagayan para sa Western Conference finals.
Kung maalala, limitado lamang ang galaw ni Parker sa kanilang faceoff sa Golden State Warriors.
Sa ngayon, hawak ng Spurs ang 2-0 lead series laban sa Memphis Grizzlies.
MIAMI – Asahan na ang mahigpit na depensa na ipapamalas ng Indiana Pacers sa pagsisimula ngayong araw ng kanilang Game 1 ng Eastern conference finals laban sa Miami Heat.
Pangunahing aangat sa depensa ng Pacers ay si Defensive Player of the Year runner-up na si Roy Hibbert na siyang malaking factor kung bakit tinalo nila ang New York Knicks sa playoffs semifinals.
Ayon kay Miami Heat star LeBron James, handa naman sila at may pantapat sa gagawing istratehiya ng Indiana.
Sa katunayan sa mga nakalipas na araw na team practice, iba’t ibang manuever moves ang ginagawa ni James dahil inaasahan na raw niya na mag-iiba ang magbabantay sa kanya.
Handa na rin si Dwyane Wade sa Game 1 ng conference finals kung saan magiging malaki ang responsibilidad nito sa Miami.
